#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

TAQACHI MAHALLASIDA HUDUDDAGI MUAMMOLAR VA “MAHALLA YETTILIGI” FAOLIYATI O‘RGANILDI

🇺🇿 O‘zbekiston Respublikasi Prezidentining 2026-yil 16-iyul kuni “Mahallalarga yangi muhit olib kirish hamda “mahalla yettiligi” faoliyatini yangicha tashkil qilish bo‘yicha ustuvor vazifalar” yuzasidan o‘tkazilgan videoselektor yig‘ilishida belgilangan vazifalar hamda “Mahallada obodlik va mehr-saxovat oyligi” doirasida biriktirilgan mas’ullar ro‘yxatiga asosan, xalq deputatlari Uchtepa tumani Kengashi kotibiyati mudiri Anvar Usmanov tomonidan Taqachi mahallasida navbatdagi o‘rganish ishlari olib borildi.

💬 O‘rganish davomida “mahalla yettiligi” a’zolarining faoliyati, hududdagi mavjud muammolar hamda aholiga ko‘rsatilayotgan xizmatlar holati ko‘rib chiqildi. Mahalladagi ko‘chalar, xonadonlar va oilalar holati, aholi bilan ishlash samaradorligi yuzasidan fikr almashildi.

⚡ Shuningdek, hududdagi infratuzilma holati ham ko‘zdan kechirilib, elektr transformator punktlari va gaz taqsimlash punktlarining texnik holati o‘rganildi. Tor ko‘chalarda elektr simlarini zamonaviy SIP kabellariga almashtirish ishlari ham ko‘rib chiqildi.

📇 O‘rganish davomida mahalla raisi, hokim yordamchisi, ijtimoiy xodim, xotin-qizlar faoli, profilaktika inspektori hamda mahallaga biriktirilgan mas’ullar faoliyati yuzasidan fikr almashildi. Aholi bilan manzilli ishlash, mavjud muammolarni o‘z vaqtida aniqlash va ularning yechimini ta’minlash masalalariga alohida e’tibor qaratildi.

📝 O‘rganish yakunida hududdagi mavjud masalalarni tizimli hal etish, mahalla infratuzilmasini yaxshilash hamda aholiga ko‘rsatilayotgan xizmatlar sifatini oshirish bo‘yicha mas’ullarga tegishli tavsiya va topshiriqlar berildi. Mazkur yo‘nalishdagi ishlar nazoratga olindi.