Xalq deputatlari Qo‘qon shahar Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasi a’zolari tomonidan shahardagi 6-son Bolalar musiqa va san’at maktabida tadbirlar o‘tkazishga mo‘ljallangan kichik va katta zallarning holati hamda sig‘imi yuzasidan o‘rganish ishlari olib borildi.

O‘rganish davomida zallarning texnik va sanitariya holati, tomoshabinlar uchun yaratilgan shart-sharoitlar, mavjud o‘rindiqlar soni hamda tadbirlarni samarali tashkil etish imkoniyatlari ko‘zdan kechirildi.

Shuningdek, maktabda o‘tkaziladigan konsertlar, ko‘rik-tanlovlar, madaniy-ma’rifiy tadbirlar va boshqa tadbirlar uchun zallarning imkoniyatlari hamda sig‘imidan samarali foydalanish masalalari muhokama qilindi.

O‘rganish yakunida o‘quvchilar va tadbir ishtirokchilari uchun qulay sharoitlarni yanada yaxshilash, zallardan samarali foydalanish hamda mavjud kamchiliklarni bartaraf etish yuzasidan tegishli taklif va tavsiyalar bildirildi.

Xalq deputatlari Qo‘qon shahar Kengashi