O‘rganishlar davomida deputat va kotibiyat vakili mahalla hududidagi ko‘chalar, ko‘p qavatli uylar atrofi hamda jamoat joylaridagi tozalik va obodonchilik holatini ko‘zdan kechirdilar. Xususan:
Hududlar tozaligi: Ko‘cha va xiyobonlarni chiqindilardan tozalash hamda noqonuniy chiqindixonalarning oldini olish choralari;
Yashil hududlar va daraxtlar: “Yashil makon” umumnilliy loyihasi doirasida ekilgan ko‘chatlar va daraxtlarni parvarishlash hamda sug‘orish tizimlari holati;
Mehr-saxovat tadbirlari: Oylik doirasida ehtiyojmand, yolg‘iz va ko‘makka muhtoj fuqarolar holidan xabar olish hamda ularga amaliy yordam ko‘rsatish jarayonlari.
Muloqot chog‘ida deputat X.Fayzullayev mahalla faollari va aholi vakillari bilan suhbatda shunday ta’kidladi:
"Mahallada obodlik va mehr-saxovat oyligi’ shunchaki kampaniya emas, balki jonajon mahallamizni yanada ko‘rkam, toza va fayzli qilishga qaratilgan amaliy harakatdir. Obodlik bor joyda baraka va ahillik bo‘ladi. Har birimiz o‘z xonadonimiz va ko‘chamiz tozaligiga mas’ul bo‘lishimiz lozim."
Tashrif yakunida aniqlangan ayrim kamchiliklarni bartaraf etish, obodonlashtirish ishlarini yanada jadallashtirish hamda aholi faolligini oshirish bo‘yicha mahalla "yettiligi" va mas’ullarga tegishli tavsiya va ko‘rsatmalar berildi. Oylik doirasidagi tadbirlar deputat nazoratida izchil davom etmoqda.