NÓKIS RAYONI KEŃESINDE XDP PARTIYASI DEPUTATLARI MENEN SÁWBET ÓTKERILDI

Xalıq deputatları Nókis rayonlıq Keńesi baslıǵı Jiydeli saylaw okruginen deputat N.Seytnazarov tárepinen XDP partiyasınan saylanǵan deputatlar menen ushırasıw hám ámeliy sáwbet shólkemlestirildi.

Sáwbetlesiw dawamında deputatlardıń aymaqlarda alıp barıp atırǵan jumısı, xalıqtıń múrájatları menen islesiw jaǵdayı, deputatlıq qadaǵalawdıń nátiyjeliligi jáne orınlardaǵı bar mashqalalardı sheshiw baǵdarında ámelge asırılıp atırǵan jumıslar dodalandı.

Sonday-aq, deputatlardıń hújjetler menen islesiw mádeniyatı, turaqlı komissiyalardıń jumısındaǵı qatnası hám xalıq penen pikirlesiwdi jáne de kúsheytiw máselelerine ayrıqsha itibar qaratıldı.

Ushırasıwda Keńes baslıǵı hár bir deputat xalıq isenimin aqlaw jolında juwapkershilik penen jumıs alıp barıwı, xalıqtıń dártine jaqın bolıp, olardıń mashqalaların sheshiwde belsendi intaker bolıwı lazımlıǵın atap ótti.


👉https://t.me/Nukus_tuman_Kengashi