#deputatlar_nazorati #poytaxtdeputatlari #deputatlik_faoliyati

🎓 Yoshlar bilan muloqot — kelajak sari muhim qadam

🏛 Xalq deputatlari Toshkent shahar Kengashi deputati Nigora Eshmetova tomonidan o‘zining saylangan 39-Minor saylov okrugi hududida joylashgan Axborot texnologiyalari akademik litseyida yoshlar bilan ochiq muloqot va davra suhbati tashkil etildi.

💬 Uchrashuv davomida yoshlarning ta’lim olishi uchun yaratilayotgan sharoitlar, ularning bandligini ta’minlash, zamonaviy kasb-hunar va axborot texnologiyalarini puxta egallashi, iqtidorli yoshlarni qo‘llab-quvvatlash hamda ularning tashabbuslarini ro‘yobga chiqarish masalalari atroflicha muhokama qilindi.

📌 Davra suhbatida Mahalliy Kengash deputati faoliyatining eng muhim 24 ta yo‘nalishi doirasida, ayniqsa yoshlar yetakchilari faoliyati samaradorligi, yoshlar bandligi, ta’lim muassasalarining moddiy-texnik bazasi, sport inshootlari holati, hududdagi madaniy-ma’rifiy maskanlar faoliyati hamda yoshlarning bo‘sh vaqtini mazmunli tashkil etish masalalariga alohida e’tibor qaratildi.

🤝 Samimiy ruhda o‘tgan muloqotda litsey o‘quvchilari tomonidan ilgari surilgan taklif va tashabbuslar tinglanib, ularni amaliy qo‘llab-quvvatlash, yoshlar uchun yangi imkoniyatlar yaratish va ularning jamiyat hayotidagi faolligini oshirish yuzasidan tegishli tavsiyalar bildirildi.

🔎 Mazkur uchrashuv deputat va yoshlar o‘rtasidagi ochiq muloqotni mustahkamlash, yosh avlodning fikr va tashabbuslariga quloq tutish hamda ularning intellektual salohiyatini ro‘yobga chiqarishga qaratilgan muhim platformaga aylandi.

📱 Telegram 📱 Instagram 📱 Facebook 📱 YouTube 🔎 E-kengash