2026-yil 24-martdagi “Suzangaron mahallasida tashkil etilgan bolalar maydonchasini zamonaviy o‘yin qurilmalari bilan jihozlashda amaliy yordam ko‘rsatish to‘g‘risida”gi 26-ds-379-26-sonli so‘rov yuzasidan Samarqand shahar hokimi o‘rinbosari tomonidan tegishli o‘rganish ishlari olib borildi.

O‘rganish jarayonida mazkur hududda bolalar maydonchasini tashkil etish uchun zarur joy mavjudligi hamda uni barpo etish rejalashtirilganligi aniqlandi.

Shuningdek, ushbu bolalar maydonchasining tashkil etilishi hududdagi bolalar va yoshlarning bo‘sh vaqtini mazmunli tashkil etish, ular uchun qulay va xavfsiz sharoit yaratishga xizmat qilishi ta’kidlandi.

Yuqoridagilardan kelib chiqib, Yoshlar ishlari Samarqand shahar bo‘limi tomonidan tegishli o‘rganish ishlari amalga oshirilganligi hamda masala mutasaddi tashkilotlar bilan hamkorlikda bosqichma-bosqich hal etib borilayotganligi ma’lum qilinadi.