#poytaxtdeputatlari #deputatlik_faoliyati

❗️Yoshlar manfaatlari va raqamli tizimlar uyg‘unligida Kengash faoliyati takomillashtirilmoqda

🏛 Xalq deputatlari Toshkent shahar Kengashi kotibiyati bosh mutaxassisi Sarvar Irgashev tomonidan Uchtepa tuman Kengashi kotibiyatida ish yuritish jarayonlari hamda “E-Kengash” axborot tizimi bilan ishlash holati bilan tanishildi. Mazkur jarayonlar ayniqsa yoshlar bilan ishlash, ularning murojaatlarini tezkor va samarali ko‘rib chiqish hamda muammolarini tizimli hal etish masalalari bilan uzviy bog‘liq holda olib borildi.

📝 Jarayon davomida deputatlar murojaatlari, xususan yoshlar tomonidan yo‘llanayotgan taklif va muammolarni qayd etish, ularning ijrosini nazorat qilish, qabul qilinayotgan qarorlarning tizimga o‘z vaqtida kiritilishi hamda amaliy natijadorligi atroflicha tahlil qilindi. Shuningdek, sessiyalarni tashkil etish tartibi, doimiy komissiyalar faoliyati, hujjatlarning elektron shaklda yuritilishi hamda mehnat va ijro intizomiga rioya etilishi alohida e’tibor markazida bo‘ldi.

🔎 Shuningdek Mahalliy Kengash deputatlari faoliyatining eng muhim 24 ta yo‘nalishi doirasida olib borilib, ayniqsa yoshlar bandligi, ta’lim, startap tashabbuslari va ijtimoiy faolligini oshirishga qaratilgan masalalar “E-Kengash” tizimi orqali samarali monitoring qilinayotgani ta’kidlandi. Hududlarda aniqlanayotgan muammolarni raqamli platforma orqali tezkor qayd etish va yechimga yo‘naltirish tizimi samaradorligi yuqori baholandi.

🔺 Yakuniy xulosalarga ko‘ra, Uchtepa tuman Kengashi kotibiyatida hujjatlar elektron shaklda yuritilishi, qarorlarning o‘z vaqtida rasmiylashtirilib tizimga joylashtirilishi, ayniqsa yoshlar masalalariga oid murojaatlarning tizimli ko‘rib chiqilayotgani qayd etildi. Bu esa deputatlar faoliyatida ochiqlik, shaffoflik va javobgarlikni yanada mustahkamlashga xizmat qilmoqda.

🖥 Mazkur o‘rganishlar orqali mahalliy Kengashlar faoliyatiga zamonaviy raqamli boshqaruv mexanizmlarini keng joriy etish, yoshlar bilan ishlash samaradorligini oshirish hamda deputatlik nazoratini kuchaytirish bo‘yicha izchil ishlar davom ettirilishi alohida ta’kidlandi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)