O‘rganish jarayonida mahalla aholisi bilan bevosita muloqot o‘tkazilib, fuqarolar tomonidan qator muammolar yuzasidan murojaatlar bildirildi.

Jumladan, “Xo‘ja Doniyor” MFY hududida mini stadion qurish masalasi ko‘tarildi. Ushbu sport inshooti homiylar va mahalla fuqarolari tomonidan barpo etilishi rejalashtirilgan bo‘lib, uni amalga oshirish uchun tegishli ruxsatnoma ajratish zarurligi ta’kidlandi.

 Mazkur murojaat asosida deputat tomonidan tegishli tashkilotlarga rasmiy deputatlik so‘rovi chiqarilib, mini stadion qurish uchun ruxsat berish masalasini ijobiy hal etish yuzasidan amaliy choralar ko‘rish so‘raldi.

Bunday tashabbuslar aholini sportga keng jalb etish, yoshlar salomatligini mustahkamlash va hudud infratuzilmasini rivojlantirishda muhim ahamiyat kasb etadi.