Xalq deputatlari Oltinsoy tuman Kengashi deputati Mamatmuratov A’zamat Karamatovich va mahallada faoliyat yuritib kelayotgan “mahalla yettiligi” hamkorligida Oltinsoy tumanidagi “Qoratepa” va “Guliston” mahallalarida saylovchilar bilan uchrashuv o‘tkazildi.  

Uchrashuv davomida mahalla fuqarolari tomonidan ko‘tarilgan muammolar, ichki ko‘chalarni asfaltlash, katta yo‘l chetlarida piyodalar harakatlanishi uchun maxsus yo‘laklar barpo etish, beton ustun va yopiq kabellar o‘rnatish kabi masalalar muhokama qilindi.  

Deputat tomonidan uchrashuvdagi mahalla fuqarolari tomonidan ko‘tarilgan muammolarni bartaraf etish choralari ko‘rildi hamda tegishli korxona va tashkilotlarga so‘rovnomalar yuborishga kelishib olindi. 

  Oltinsoy tumani Kengash Kotibiyati Axborot xizmati