Qibray tumani Qipchoq mahallasida istiqomat qiluvchi Tikasheva Baxtibyubyu aya o‘z farzandi — harbiy xizmatchi Nuriya Ibragimovaning fidokorona mehnatlari, mas’uliyatli kasbida erishayotgan yutuqlari bilan faxrlanadi.

Baxtibyubyu aya o‘z farzandini Vatanga sadoqat va fidoyilik ruhida tarbiyalaganligi e’tirof etilib, unga O‘zbekiston Respublikasi Mudofaa vazirligining “VATAN HIMOYACHISINING ONAJONIGA” esdalik ko‘krak nishoni topshirildi.

 Ushbu tantanali marosimda tuman Kengashi 10-okrug deputati N. Alimov, mahalla faollari hamda yoshlar ishtirok etishdi.

 Bu e’tirof nafaqat Baxtibyubyu aya uchun, balki farzandini Vatan himoyasi yo‘lida tarbiyalayotgan barcha onalar uchun hurmat va faxr timsolidir.