“Olimlar” MFYda O‘zbekiston Respublikasi davlat mustaqilligining 35 yilligi munosabati bilan bayram tadbiri bo‘lib o‘tdi.

Bayram tadbirida xalq deputatlari Mirzo Ulug‘bek tumani Kengashi kotibiyati mudiri, O‘zbekiston “Adolat” SDP a’zosi Shoanvar Shomaxmudov ishtirok etib, Mustaqillik bayrami munosabati bilan mahalla faollari va keksa nuroniylarga esdalik sovg‘alarini topshirdi.

Shundan so‘ng bayramona kayfiyat konsert dasturi bilan davom etdi. Yangragan kuy-qo‘shiqlar, dilbar chiqishlar va ko‘tarinki ruh tadbir ishtirokchilariga unutilmas taassurotlar ulashdi.

Bunday ma’naviy-ma’rifiy va madaniy tadbirlar mahallada ahillik va hamjihatlikni yanada mustahkamlash, yurtdoshlar o‘rtasida o‘zaro hurmat va mehr-oqibatni kuchaytirishga xizmat qiladi.

Mustaqilligimiz abadiy, yurtimiz tinch, xalqimiz farovon bo‘lsin!