Xalq deputatlari Uzun tumani Kengashi deputatlari Media-reja ijrosi doirasida olib borgan nazorat-tahlil tadbiri tumandagi 2-sonli umumta'lim maktabida bo‘lib o‘tdi. Tadbirning asosiy maqsadi – o‘quvchilarning bilim olishi uchun yaratilgan shart-sharoitlar, ta’lim sifatining baholanishi hamda muassasining qish mavsumiga tayyorgarligi o‘rganildi.

 O‘rganish jarayonida deputatlar tomonidan ta’lim muassasalarining moddiy-texnik bazasi, sinfxonalar holati, o‘quvchilar uchun yaratilgan shart-sharoitlar, sanitariya-gigiyena talablariga rioya etilishi, xavfsizlik masalalari, shuningdek, pedagog xodimlarning ish faoliyati bilan yaqindan tanishildi.

 Ta’lim muassasalari rahbarlari va pedagoglar bilan bo‘lib o‘tgan suhbatlar davomida o‘quv-tarbiya jarayonining sifati, ta’lim samaradorligini oshirish, mavjud muammolar, ularni bartaraf etish bo‘yicha taklif va tashabbuslar tinglandi.

 O'rganish yakunida ta'lim muassasalarda aniqlangan kamchiliklar yuzasidan mas’ullarga tegishli tavsiyalar berildi.