Deputat tumandagi ta'lim muasassalarini o‘rgandi. Oliy Majlis Qonunchilik palatasi deputati Go‘zal Sammiyeva Uzun tumanidagi "Obod yurt" mahalla fuqarolar yig‘ini faoliyati hamda 43-sonli umumta'lim maktabining faoliyati bilan tanishdi.Dastlab mahalla faollari bilan yaqindan tanishib, aholi bilan ishlash, ijtimoiy muammolarni hal etish va hududni obodonlashtirish borasida olib borilayotgan ishlar muhokama qilindi.
Aholining tarqoq joylashganligi sababli hududda umumta’lim maktabi va davlat maktabgacha ta’lim tashkiloti barpo etish zarurati yuzasidan fikr almashildi.