Zangiota tumanidagi 16-oilaviy poliklinikada aholiga ko‘rsatilayotgan tibbiy xizmatlarning sifati, tibbiyot muassasasida bemorlar uchun yaratilgan shart-sharoitlar hamda tibbiy xizmat ko‘rsatish jarayonining tashkil etilishi yuzasidan tuman Kengashi kotibiyati mudiri G. Tursunova tomonidan o‘rganish ishlari olib borildi.

🔷O‘rganish davomida poliklinikaga murojaat qilayotgan aholiga birlamchi tibbiy-sanitariya yordami ko‘rsatish sifati, bemorlarni qabul qilish va ularga xizmat ko‘rsatish jarayoni, shifokor va tibbiyot xodimlarining faoliyati, bemorlar murojaatlariga o‘z vaqtida va sifatli javob berilishi holati ko‘zdan kechirildi.

🔶Shuningdek, poliklinikada bemorlar uchun yaratilgan sharoitlar, jumladan, kutish joylari, qabul xonalari, tibbiy ko‘rik xonalari, sanitariya-gigiyena holati, xonalarning tozaligi, yoritilishi va shamollatilishi kabi masalalarga alohida e’tibor qaratildi. Fuqarolarning navbat kutish vaqtini qisqartirish, tibbiy ko‘rik va maslahat olish jarayonlarini qulay tashkil etish bo‘yicha mavjud imkoniyatlar o‘rganildi.

🔷O‘rganish jarayonida poliklinikadagi tibbiy jihoz va uskunalarning mavjudligi, ularning sozligi hamda amaliyotda foydalanish holati ham ko‘rib chiqildi. Tibbiyot xodimlari bilan suhbatlar o‘tkazilib, aholiga xizmat ko‘rsatish jarayonida uchrayotgan muammolar, mavjud ehtiyojlar va ularni bartaraf etish bo‘yicha takliflar o‘rganildi.

🔶Bundan tashqari, aholining tibbiy xizmatlardan foydalanish imkoniyati, bemorlarning murojaatlari va ularning muammolarini o‘z vaqtida hal etish, fuqarolarga xushmuomalalik va e’tibor bilan xizmat ko‘rsatish masalalariga ham alohida e’tibor qaratildi.

🔷O‘rganish yakunlari bo‘yicha aniqlangan kamchiliklarni bartaraf etish, poliklinikaning moddiy-texnik bazasini mustahkamlash, mavjud tibbiy jihozlardan samarali foydalanish, sanitariya-gigiyena talablariga qat’iy rioya etish hamda aholiga ko‘rsatilayotgan tibbiy xizmatlar sifatini yanada oshirish yuzasidan tegishli tavsiya va takliflar bildirildi.