AHOLI BILAN MULOQOT: IJTIMOIY KO‘MAK VA MUROJAATLAR O‘RGANILDI

📍 Xalq deputatlari Olmazor tumani Kengashi raisi Shaxnoza Umarxodjayeva boshchiligida, Olmazor tumani Inson ijtimoiy xizmatlar markazi rahbari F. Valixonov hamkorligida “Zarxal” MFY mahalla fuqarolar yig‘inida Ijtimoiy reyestrda turuvchi hamda ijtimoiy ko‘makka muhtoj fuqarolar qabuli tashkil etildi.

🔎 Qabul davomida fuqarolarning murojaatlari, ijtimoiy himoyaga bo‘lgan ehtiyojlari, mavjud muammolari va ularni hal etish bilan bog‘liq masalalar atroflicha o‘rganildi.

🤝 Fuqarolar tomonidan bildirilgan murojaat va takliflar mas’ul tashkilotlar vakillari bilan birgalikda muhokama qilinib, ularni belgilangan tartibda hal etish, zarur hollarda tegishli tashkilotlarga yo‘naltirish va ijrosini nazoratga olish bo‘yicha tegishli choralar belgilandi.

🇺🇿 Aholining ijtimoiy himoyasini kuchaytirish, murojaatlarini o‘z vaqtida eshitish va har bir fuqaroning muammosiga manzilli yondashish — deputatlik faoliyatining muhim yo‘nalishlaridan biridir.

🌿 Uchrashuv yakunida nuroniylar tomonidan yurtimiz tinchligi, xalqimiz farovonligi va xonadonlarimiz osoyishtaligi uchun ezgu duolar qilindi.

⚡️ Bizni ijtimoiy tarmoqlarda kuzatib boring!