DEPUTAT MÁHÁLLEDEGI MASHQALALARDI ÚYRENDI

♻️ Xalıq deputatları Shımbay rayonlıq Keńesi 18-sanlı “Qırıq qız” saylaw okrugi “Adolat” social-demokratik partiyası deputatı S.Abdieva hám sekretariat bas qániygesi Sh.Ametov“Jipek jolı”máhállege barıp, xalıqtı qıynap atırǵan áhmietli mashqalalardı úyrendi. Sapar dawamında máhálle belsendileri hám puqaralar menen ashıqtan-ashıq sóylesiw ótkerilip, olardıń pikir-usınısları tıńlandı.

Úyreniw dawaminda “Jipek jolı” MPJ aymaǵındaǵı Beruniy kóshesiniń ishimlik suwı, ishki jollar, elektr támiynatı, abadanlastırıw, bántlik hám sociallıq tarawǵa baylanıslı máselelerge ayrıqsha itibar qaratıldı. Anıqlanǵan mashqalalardı saplastırıw boyınsha tiyisli shólkemlerge deputatlıq sorawlar jiberiw hám olardıń orınlanıwın deputatlıq qadaǵalaw tiykarında baqlap barıw belgilendi.

Deputat xalıqtıń máplerin támiyinlew, olardıń múrájatlarına óz waqtında sheshim tabıw hám aymaqtaǵı bar mashqalalardı basqıshpa-basqısh sheshiw turaqlı dıqqat orayında bolatuǵının atap ótti.