Xalq deputatlari Angor tumani Kengashi kotibiyati mudiri J. Raximqulov 6-Qorasuv saylov okrugi hududida mahalla yettiligi ko‘magida tikuvchilik faoliyati bilan shug‘ullanib kelayotgan tadbirkor faoliyati bilan ham tanishdi. Tashrif davomida tadbirkorlik faoliyatini yo‘lga qo‘yish jarayoni, yaratilgan ish o‘rinlari hamda ishlab chiqarilayotgan mahsulotlar ko‘zdan kechirildi. Shuningdek, faoliyatni yanada kengaytirish, qo‘shimcha ish o‘rinlari yaratish imkoniyatlari yuzasidan fikr almashildi. O‘rganish yakunida tadbirkorlikni qo‘llab-quvvatlash, mahallada bandlikni ta’minlash va aholi daromadlarini oshirishga qaratilgan ishlarni yanada rivojlantirish bo‘yicha tegishli tavsiyalar berildi.