Búgin Xalıq deputatları Bozataw rayonlıq Keńesi sekretariatı baslaması menen rayon hákimligi imaratında, Keńes janındaǵı «Jaslar másláhát toparı» ushırasıwı ótkerildi.
Ushırasıwǵa Xalıq deputatları rayonlıq Keńesi sekretariat baslıǵı A.Ibragimov, “ÓzLiDeP” nan rayonlıq Keńes deputatı J.Jumanazarov, rayonlıq Keńes deputatları, hám Keńes janındaǵı «Jaslar másláhát toparı» aǵzaları qatnastı.
Ushırasıwdıń tiykarǵı maqseti Keńes janındaǵı «Jaslar másláhát toparı» jumısın elede jedellestiriw, jaslardıń bántligin támiyinlewde, olardıń mámleketimiz tárepinen berilip atırǵan imkaniyatlardan únemli paydalanıwında járdemlesiw hám qollap-quwatlaw bolıp tabıladı, - deydi rayonlıq Keńesiniń sekretariat baslıǵı A.Ibragimov.
Ushırasıw dawamında «Jaslar máslát toparı» aǵzaları rayonlıq Keńes deputatları menen birgelikte rayondaǵı "Jaslar dápteri"ndegi jaslardıń mashqalalardı sheshiw boyınsha ámelge asırılatuǵın jumıslardı tiyisli shólkemler menen úyrenip shıǵıw boyınsha usınısların bildirdi.
Ushırasıw dawamında jaslar másláhát toparı aǵzalarına ámelge asırıwı zárúr bolǵan jumıslar belgilep berildi.