Xalq deputatlari Angor tumani Kengashining 22-Zartepa saylov okrugi deputati Yarmatov Muxiddin Nurxonovich tomonidan hududda joylashgan 19-sonli davlat maktabgacha ta’lim tashkilotida nazorat-tahlil o‘rganish ishlari olib borildi. Nazorat-tahlil doirasida muassasadagi bolalar yotoq joylari, oziqlanish tizimi hamda omborxonalar holati atroflicha ko‘zdan kechirildi. Shuningdek, oshxona va ovqatlanish xonalarining sanitariya-gigiyena talablariga muvofiqligi hamda yaratilgan shart-sharoitlar o‘rganildi.O‘rganish jarayonida muassasa mudirasi Abdurahmonova Shoira tomonidan mavjud sharoitlar, olib borilayotgan ishlar hamda muassasaning faoliyati yuzasidan batafsil ma’lumot berildi. Mazkur maktabgacha ta’lim tashkiloti 90 o‘rinli bo‘lib, 4 ta guruhdan tashkil topgan.O‘rganish yakunlari bo‘yicha aniqlangan holatlar yuzasidan tegishli tavsiyalar berildi va mavjud kamchiliklarni bartaraf etish bo‘yicha mas’ullarga vazifalar berildi.