Xalq deputatlari Uchquduq tuman Kengashining navbatdagi 29-sessiyasi bo‘lib o‘tdi. Sessiyada hokim o‘rinbosarlari, huquqni muhofaza qiluvchi organlar rahbarlari, shuningdek kun tartibiga aloqador korxona va tashkilotlar rahbarlari ishtirok etdilar.
Sessiya davomida kun tartibiga kiritilgan masalalar yuzasidan mas’ul rahbarlarning axborot va hisobotlari tinglanib, deputatlar tomonidan atroflicha muhokama qilindi.

Muhokamalar davomida hududni ijtimoiy-iqtisodiy rivojlantirish, mahalliy budjet mablag‘laridan samarali foydalanish, aholi farovonligini oshirish hamda davlat dasturlari ijrosini ta’minlashga qaratilgan taklif va tavsiyalar bildirildi.

📋 Sessiyada quyidagi masalalar ko‘rib chiqildi:

• 2026-yilning birinchi yarim yilligida tumandagi kriminogen vaziyat, jinoyatchilik va huquqbuzarliklarning oldini olish hamda profilaktika ishlari holati;

• Tuman ichki ishlar bo‘limining 2026-yilning 6 oyida jinoyatchilikka qarshi kurashish va huquqbuzarliklar profilaktikasi yo‘nalishida amalga oshirgan ishlari;

• O‘zbekiston Respublikasi Prezidentining 2025-yil 20-oktyabrdagi PF–185-son Farmoni ijrosi yuzasidan favqulodda vaziyatlardan aholi va hududlarni muhofaza qilish bo‘yicha amalga oshirilgan ishlar;

• Tuman mahalliy budjetining 2026-yil birinchi chorak yakuni bo‘yicha qo‘shimcha manbalar hisobidan mablag‘ ajratish;

• Uchquduq tuman obodonlashtirish boshqarmasi tomonidan markaziy ko‘chalar bo‘yidagi tadbirkorlik subyektlariga ko‘rsatiladigan chiqindilarni olib chiqish va hududlarni obodonlashtirish xizmatlari tariflarini tasdiqlash;

• Tuman Xalq qabulxonasining 2026-yil II choragida tashkilot rahbarlarining murojaatlar bilan ishlash faoliyati yuzasidan axboroti;

• Tumanda aholini ichimlik suvi bilan uzluksiz ta’minlash borasida amalga oshirilayotgan ishlar;

• Sessiyalarda davlat organlari va tashkilotlari rahbarlarining murojaatlar bilan ishlash bo‘yicha hisobotlarini samarali tashkil etish chora-tadbirlari;

• Xalq deputatlari Uchquduq tumani Kengashining ayrim qarorlariga o‘zgartirish va qo‘shimchalar kiritish;

• Xalq deputatlari Uchquduq tuman Kengashining doimiy komissiyalari tarkibiga o‘zgartirishlar kiritish.

✅ Sessiya yakunida kun tartibidagi barcha masalalar yuzasidan tegishli qarorlar qabul qilinib, mas’ul tashkilot va idoralarga belgilangan vazifalarni o‘z vaqtida hamda sifatli amalga oshirish bo‘yicha aniq topshiriqlar berildi.