Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengash raisi O.Babayev tomonidan tumanning “Sari-Qangli” mahallasi bo‘yicha hokim yordamchisi E.Yuldashboyevning aholi bandligini ta’minlash, ishsizlikni qisqartirish hamda oilalarning daromadini oshirishga qaratilgan faoliyati o‘rganildi.

🔺O‘rganish jarayonida hokim yordamchisi tomonidan ishsiz fuqarolarning xatlovini yuritish, ularning kasbiy ko‘nikmalari va ehtiyojlarini aniqlash, bo‘sh ish o‘rinlariga yo‘naltirish, kasb-hunarga o‘qitish, o‘zini o‘zi band qilish va tadbirkorlik faoliyatiga jalb etish borasida amalga oshirilayotgan ishlar bilan tanishildi.

🔺Shuningdek, oilaviy tadbirkorlik dasturlari doirasida imtiyozli kredit va subsidiyalar ajratish, tomorqadan samarali foydalanish, xizmat ko‘rsatish va ishlab chiqarish sohalarida yangi loyihalarni shakllantirish, xotin-qizlar va yoshlarni bandlikka jalb etish yuzasidan amalga oshirilayotgan chora-tadbirlar tahlil qilindi.

🔺O‘rganish davomida aniqlangan muammolarni tezkor bartaraf etish, har bir ishsiz fuqaro bilan manzilli ishlash, yangi ish o‘rinlari yaratish va davlat dasturlari imkoniyatlaridan samarali foydalanish bo‘yicha mas’ullarga tegishli tavsiyalar berildi.