Xalq deputatlari Uchko‘prik tumani Kengashi deputati Umarbek Karimov 2025-yil birinchi choragida amalga oshirgan ishlari yuzasidan o‘z saylovchilariga axborot berdi. 

O‘zbekiston Respublikasi Prezidentining “O‘zbekiston – 2030” strategiyasining “Atrof-muhitni asrash va “yashil iqtisodiyot” yili”da amalga oshirishga oid davlat dasturida belgilangan 73-maqsad: “Atmosfera havosi ifloslanishining oldini olish, uning tabiiy tarkibini saqlash bo‘yicha keskin choralar ko‘rish”. 

“Qo‘qon” erkin iqtisodiy zonasi hududidagi korxonalar tomonidan chiqayotgan oqava suvlarni tozalamasdan
atrof muhitga chiqarib yuborilayotganligi sababli oqova tozalash inshootlarini qurish, ya’ni atrof-muhitga ta’siri bo‘yicha I va II toifaga kiruvchi “Qo‘qon” erkin iqtisodiy zonasi hududidagi xo‘jalik yurituvchi subyektlarni to‘liq tahlil qilish, ulardan chiqadigan gaz, havoda uchadigan chang va boshqa chiqindi moddalarni yetarli darajada tozalay olmaydigan ma’naviy eskirgan tozalash texnika vositalarini zamonaviylariga almashtirish taklifi ilgari surildi.