Qaraqalpaqstan Respublikası Joqarǵı Keńesi 63-Qaraózek saylaw okruginen saylanǵan deputat M.Abdirov hámde Xalıq deputatları Qaraózek rayonlıq Keńesi 19-Alǵabas saylaw okruginen deputat J.Adilbaev, 20-Quralpa saylaw okruginen deputat M.Qazaqbaev (https://t.me/qaraozek_xdrk_20)lardıń esabat ushırasıwı Quralpa awıl puqaralar jıyınında ótkerildi. Onda sociallıq xızmet kórsetiwshi mámleketlik mákeme, shólkem wákilleri, aymaq turǵınları qatnastı. Ushırasıwda deputatlar tárepinen 2025-jıldıń I sheregi juwmaǵı boyınsha esabatların hám aymaqtı rawajlandırıw baǵdarında aldaǵı isleniwi belgilengen jumıslar tanıstırıldı. Sonday-aq, máhálle jetiligi hám aymaqtaǵı bilimlendiriw mákemeleriniń esabatı deputatlar qatnasında tıńlanılıp, máhálle menen tıǵız baylanısta birge islesiwi boyınsha kelisip alındı. Bunnan soń puqaralardı qıynap kiyatırǵan mashqala hám múrájatları tıńlanılıp, orınlanıwı boyınsha qadaǵalawǵa alındı.