Қарақалпақстан Республикасы Жоқары Кеңеси депутаты Ш.Ниязымбетов Нөкис районы мектеплериндеги оқытыўшылар менен ушырасты.

Ушырасыў даўамында Жоқары Кеңеси депутаты билимлендириў мектеплеринде билим алып атырған оқыўшылардың Жоқары оқыў орынларына грант тийкарында оқыўға түсиўи кереклиги ҳәм бул ушын мәмлекетимизде бәрше имканиятлар бар екенлиги атап өтилди.

Сәўбетлесиў барысында инглис тили ҳәм басқада пән оқытыўшыларының билим көнликпелерин еледе асырыў мақсетинде Нөкис қаласындағы Stanford оқыў орайына мектеплерден 40 педагог оқытыўшылар 6 ай ҳәм 1 жыл даўамында бийпул оқытылып, оларға сертификат бериледи. 

Усы сертификатқа ийе болған оқытыўшылар Нөкис районында мектеп оқыўшылары ушын қосымша Stanford оқыў орайларын шөлкемлестириў келисилип алынды.