Munosabat 

Prezidentimiz ilgari surgan g‘oya va tashabbuslar tinchlik, barqaror rivojlanish va hamjihatlik yo‘lida amaliy dastur sifatida qabul
qilindi.

Nutqning asosiy yo‘nalishi — inson qadrini yuksaltirish va xalq farovonligini ta’minlashdir. So‘nggi yillarda kambag‘allik
35 foizdan 6 foizgacha qisqardi, maktabgacha ta’lim qamrovi 27 foizdan 78 foizga, oliy ta’lim 9 foizdan 42 foizga yetdi. Bu “hech kim chetda qolmaydigan jamiyat” tamoyili samarasidir.

O‘zbekistonning tashabbuslari tufayli Markaziy Osiyo ziddiyatlar maydonidan hamjihatlik makoniga aylandi, savdo va iqtisodiy hamkorlik
besh barobarga o‘sdi.

Prezidentimiz tomonidan bildirilgan tashabbuslar xalqaro hamjamiyat tomonidan katta qiziqish bilan qabul qilindi. BMT Bosh kotibi,
shuningdek, AQSh, Turkiya, Fransiya, Janubiy Koreya, Janubiy Afrika kabi davlatlar rahbarlari O‘zbekistonning siyosiy irodasini yuqori baholadilar.

Qisqacha aytganda, dunyo bugun O‘zbekiston ovoziga quloq tutayotganidan dalolatdir, Yangi O‘zbekiston xalqaro maydonda ishonchli hamkor sifatida nufuzini mustahkamlamoqda.

Xalq deputatlari Ellikqal’a tuman Kenashi deputati, O‘zXDP deputatlik guruhi a’zosi 

Baynazarov
Anvar