Joriy yilning 30-aprel kuni Oqoltin tuman ixtisoslashtirilgan maktabida O‘zXDP Oqoltin tuman Kengashi tashabbusi bilan “Siyosatdagi yoshlar” loyihasi doirasida yoshlar bilan ochiq muloqot bo‘lib o‘tdi.

Ushbu ochiq muloqotda O‘zXDP tuman Kengashi raisi M. Norqulov, “Ko‘rkam diyor” mahallasi raisi A. Jo‘raev, Xalq deputatlari Oqoltin tumani Kengashi deputati I. Quchqarova hamda “Ko‘rkam diyor” mahallasining faol nuroniysi R. Jabbarovalar maktab yoshlari bilan uchrashishdi. Ochiq muloqot davomida yoshlarning bilim olish va kasb-hunar o‘rganishlari uchun katta imkoniyatlar eshigi ochilganligi ta’kidlandi. Shu bilan bir qatorda yoshlarning jamiyatdagi siyosiy-ijtimoiy hodisalarga faol munosabatda bo‘lish uchun huquqiy va siyosiy bilimlarini oshirish lozimligi ham uqtirildi. Ochiq muloqot jonli, savol-javob tarzida qiziqarli tarzda bo‘lib o‘tdi.