SALOMATLIK AKSIYASI TIBBIYOTDA!

           Kuni kecha erta tongdan tuman tibbiyot birlashmasiga borganimizda atrof-muhitning sofligi, tozalik va ko‘kalamzorlashtirish ishlarini ko‘rib havas qildik. Buning ortida katta mehnat va intizom turibdi. Tibbiyot birlashmasi rahbari Qodirov Javlonbek Abdurashidovichning o‘z ishiga sadoqat bilan yondoshib, ma’suliyat va
aql bilan jamoani boshqarishi samarali ekanligi ko‘rinib turibdi. Shifokorlarimiz o‘z joylarida 8-00 dan ish faoliyatlarini boshlashgan. Barcha xonalarda sharoitlar yetarli.

         Tuman tibbiyot birlashmasida Salomatlik aksiyasi TIBBIY KO‘RIK ko‘tarinki ruhda o‘tkazildi. Ko‘rikda tumanimizning deyarli ko‘plab MFY lardagi fuqarolar,ijtimoiy yagona reystrda ro‘yhatga olingan oilalardan 210 nafari ishtirok etib, bepul tibbiy ko‘rikdan o‘tkazildi. Onkolog, Terapevt, Kordiolog, Lor, Urolog, Ginekolog, UZI kabi mutaxssislar tomonidan tibbiy ko‘rik natijasida ko‘plab fuqarolar statsionar va ambulator sharoitda davolanish uchun yo‘llanma va tasiyalar olishdi.

         Tibbiy ko‘rikda O‘zbekiston XDP Markaziy kengash rais o‘rinbosari Vorisova Mahsuda Azizovna, Xalq deputatlari viloyat kengashi deputati Umaraliev Akmaljon Akbaraliyev, O‘zbekiston XDP Markaziy kengashi partiya guruhlari va deputatlar bilan ishlash boshqarma boshlig‘i Xasanova Movjuda G‘aniyevna, O‘zbekiston XDP Markaziy kengashi sektor mudiri Bahodir Kamolov, Xalq deputatlari tuman kengashi deputati Feruza Xolto‘rayevalar ishtirok etishib, fuqarolarning murojaatlari ham tinglanib , muammolari ijobiy hal etish choralari rejalashtirildi. Shuningdek,tibbiyot xodimlari ishtirokida davra suhbati tashkil etildi. Tibbiyot xodimlari o‘zlarini qiziqtirgan savollariga javob olishib, takliflar bildirishdi.