“Tadbirkorlar qabuli” bo‘lib o‘tdi

Xalq deputatlar Sariosiyo tumani Kengashi raisi, tuman hokimi Abduqodir Donayev tadbirkorlarni qiynab kelayotgan muammolarni o‘rganish, yangi taklif va tashabbuslarni ko‘rib chiqish hamda tegishli chora-tadbirlarni belgilash maqsadida navbatdagi “Tadbirkorlar qabuli”ni o‘tkazdi.

O‘tkazilgan qabulda, 7 nafar tadbirkorning undiruv, kadastr va yer masalalari, huquqiy va boshqa yo‘nalishlardagi murojaatlari tinglandi. Yangi taklif va tashabbuslar ko‘rib chiqildi. 

Tadbirkorlar tomonidan ko‘tarilgan masalalarni hal etish, ularning faoliyatini qo‘llab-quvvatlash, yangi tashabbuslarga ko‘mak ko‘rsatish bo‘yicha mas’ullarga aniq muddatlar bilan vazifalar yuklandi. Tuman hokimi har bir mutasaddi tadbirkorga ko‘makchi bo‘lib, uning qonuniy masalalarini hal etishga shaxsan mas’ul ekanligini ta’kidladi.