Xalq deputatlari Qo‘qon shahar Kengashiga 9-“Shaldiramoq” saylov okrugidan saylangan deputat F.Qaxxarova tomonidan “Shaldiramoq” mahalla fuqarolar yig‘inida Ijtimoiy reyestrga kiritilgan oilalarning yashash sharoiti va mavjud ehtiyojlarini o‘rganish ishlari olib borildi.

O‘rganishlar davomida Shaldiramoq ko‘chasi, 6-uy, 15-xonadonda istiqomat qiluvchi fuqaro N.Ibragimovaning xonadoniga tashrif buyurilib, oilaning ijtimoiy ahvoli va kundalik ehtiyojlari bilan tanishildi.

Ma’lum bo‘lishicha, fuqaro oilasiga “Saxovat va ko‘mak” jamg‘armasi tomonidan vaucher asosida oziq-ovqat va kiyim-kechak mahsulotlarini xarid qilish uchun yordam ko‘rsatilgan.

Tashrif davomida oilaning bandlik bilan bog‘liq masalasi ham muhokama qilindi. Jumladan, fuqaroning voyaga yetgan farzandini ishga joylashtirishga ko‘maklashish yuzasidan kelishib olindi.

️O‘rganish jarayonida oilaning ijtimoiy ehtiyojlari, ko‘rsatilgan yordam choralari hamda bandlik masalasini hal etish bo‘yicha amalga oshirilishi lozim bo‘lgan ishlar yuzasidan fikr almashildi.

Xalq deputatlari Qo‘qon shahar Kengashi