Xalq deputatlari Yangiobod tuman Kengashi deputati E. Qobulov tomonidan tuman Sanitariya-epidemiologik osoyishtalik va jamoat salomatligi bo‘limi faoliyati o‘rganildi. Jarayonda vaksinalarni saqlash sharoitlari, ularning hisobini yuritish hamda emlash tadbirlarini tashkil etish bilan bog‘liq masalalarga e’tibor qaratildi.

O‘rganish davomida vaksinalarni belgilangan harorat rejimida saqlash, sovuq zanjir talablariga rioya etish, sovutkich uskunalarining holati va harorat ko‘rsatkichlarini nazorat qilish, shuningdek, vaksinalarning yaroqlilik muddatini kuzatib borish masalalari muhim yo‘nalish sifatida ko‘rib chiqildi.

Vaksinalarni to‘g‘ri saqlash va tashish ularning sifatini saqlab qolish hamda emlash tadbirlarining samaradorligini ta’minlashda muhim ahamiyatga ega. Shu bois ushbu jarayonlarda sanitariya qoidalari va belgilangan talablarning bajarilishi doimiy nazoratni talab etadi.

O‘rganish doirasida mavjud sharoitlarni yanada yaxshilash, vaksinalarni saqlash bilan bog‘liq talablarning bajarilishini muntazam nazorat qilish, emlash tadbirlarini belgilangan tartibda tashkil etish hamda aholining profilaktik emlashlar haqidagi xabardorligini oshirish masalalariga e’tibor qaratildi.

Maqsad — aholi salomatligini muhofaza qilish, yuqumli kasalliklar profilaktikasini kuchaytirish va vaksinalar xavfsizligini ta’minlashga qaratilgan ishlar ustidan jamoatchilik va deputatlik nazoratini amalga oshirish.