Xalq deputatlari Oltinsoy tumani Kengashining 19-“Xidirsho” saylov okrugidan saylangan deputati Qurbaniyazov Yusup Xolmuminovich tomonidan Oltinsoy tumani Obodonlashtirish boshqarmasi boshlig‘i A.Tirkashevga deputat so‘rovi yuborildi.

Deputat so‘rovida “Xidirsho” mahalla fuqarolar yig‘inidagi ichki xo‘jalik yo‘llarini saqlash va ta’mirlash bo‘yicha 2026-yilga mo‘ljallangan dastur ijrosi yuzasidan aniq ma’lumotlar taqdim etilishi so‘raldi.

Jumladan, amalga oshirilgan ishlar hajmi, mazkur ishlar uchun ajratilgan mablag‘lar, ta’mirlash ishlarining joriy holati hamda ularni to‘liq yakunlash muddatlari haqida batafsil ma’lumot berish so‘ralgan.

Aholi uchun qulay va xavfsiz yo‘l infratuzilmasini yaratish, mahallaning ichki yo‘llarini ta’mirlash hamda hudud obodonligini ta’minlashga qaratilgan mazkur masalaning ijrosi deputatlik nazoratiga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz