Xalq deputatlari Chilonzor tumani Kengashi deputati Ahmedov Shuxrat Murotovich tomonidan “Gavhar” mahallasida aholi bandligini ta’minlash, daromad manbalarini kengaytirish va oilalar farovonligini oshirish yo‘nalishida amalga oshirilayotgan ishlar o‘rganildi.
O‘rganish davomida “Gavhar” MFY hokim yordamchisi Haydarov Alisher Ro‘ziqulovich tomonidan aholini ish bilan ta’minlash, ishsiz fuqarolarni kasb-hunarga yo‘naltirish, tadbirkorlik faoliyatini boshlash istagidagi fuqarolarga ko‘maklashish hamda oilalarning daromadlarini oshirish borasida olib borilayotgan ishlar ko‘rib chiqildi.
Shuningdek, kambag‘allikni qisqartirish, aholi bandligini ta’minlash, yangi daromad manbalarini yaratish va tadbirkorlik imkoniyatlaridan samarali foydalanish kabi dolzarb masalalarga alohida e’tibor qaratildi.
Mahalladagi har bir oilaning ijtimoiy-iqtisodiy holatini o‘rganish, ehtiyojmand va ishsiz fuqarolarni manzilli qo‘llab-quvvatlash, ularni doimiy daromadga ega bo‘lishiga ko‘maklashish borasida ishlarni yanada kuchaytirish yuzasidan taklif va tavsiyalar berildi.
🤝 Maqsad — har bir xonadonda bandlikni ta’minlash, barqaror daromad manbasini yaratish va oilalar farovonligini oshirish.