“Umid” mahallasida asfaltlashtirish ishlari jarayoni o‘rganildi

Xalq deputatlari Olmazor tuman Kengashi raisi Sh.Umarxodjayeva, 11-Umid saylov okrugi deputati K.Muxitdinova hamda Kengash kotibiyati bosh mutaxassisi U.Shopotixovlar Olmazor tumani “Umid” mahalla fuqarolar yig‘inida olib borilayotgan asfaltlashtirish ishlarida ishtirok etdilar.

🔎 Tashrif davomida hududdagi yo‘lning asfaltlashtirilish jarayoni, ishlarning sifatli va belgilangan talablar asosida olib borilishi hamda aholiga qulay va xavfsiz harakatlanish sharoitlarini yaratish masalalariga e’tibor qaratildi.

👥 Deputatlar tomonidan amalga oshirilayotgan ishlar jarayoni bevosita joyida kuzatilib, mas’ullarga yo‘l ta’mirlash ishlarini sifatli yakunlash, hududni obodonlashtirish va aholi uchun qulay sharoitlarni ta’minlash yuzasidan tegishli tavsiyalar berildi.

🏘 Bunday amaliy ishlar mahallalar infratuzilmasini yaxshilash, hududlarni obod qilish va aholi murojaatlarida ko‘tarilgan masalalarni joyida hal etishga xizmat qiladi.