34-umumta’lim maktabida uchrashuv o‘tkazildi

Xalq deputatlari Namangan shahar Kengashi deputati Mahkamova Yodgora tomonidan 34-umumta’lim maktabida o‘quvchi yoshlar hamda ularning ota-onalari bilan uchrashuv tashkil etildi.

Uchrashuv davomida ta’lim-tarbiya jarayonining bugungi holati, o‘quvchilarning bilim olishi uchun yaratilayotgan sharoitlar, yoshlar tarbiyasida oila va ta’lim muassasasi hamkorligining o‘rni atroflicha muhokama qilindi. Shuningdek, ota-onalar tomonidan bildirilgan taklif va murojaatlar tinglanib, mavjud muammolarni bartaraf etish yuzasidan tegishli tavsiyalar berildi.

Yig‘ilish jarayonida yoshlar tarbiyasida ma’naviy-axloqiy qadriyatlarni mustahkamlash, ularni zamonaviy bilim va kasb-hunarga yo‘naltirish, bo‘sh vaqtlarini mazmunli tashkil etish masalalariga alohida e’tibor qaratildi.

Shu bilan birga, ta’lim sifatini yanada oshirish, o‘quvchi-yoshlarning faolligini kuchaytirish hamda ota-onalar bilan samarali hamkorlikni yo‘lga qo‘yish bo‘yicha aniq vazifalar belgilab olindi.

Mazkur uchrashuv ochiq va samimiy muloqot asosida aholi bilan yaqindan ishlash, yoshlar tarbiyasiga mas’uliyat bilan yondashish hamda mavjud muammolarga amaliy yechim topish yo‘lida muhim ahamiyat kasb etmoqda.