Sayyor qabulda fuqarolar murojaatlariga aniq chora-tadbirlar belgilandi

Bugungi kunda davlat boshqaruvida aholining muammolarini eshitish hamda ularning murojaatlariga o‘z vaqtida va adolatli yechim topish ustuvor vazifalardan biri hisoblanadi. Chunki xalq bilan bevosita muloqot qilish, joylardagi muammolarni ochiq muhokama etish orqali boshqaruv tizimining samaradorligi oshadi, fuqarolarning davlatga bo‘lgan ishonchi mustahkamlanadi.

Shu maqsadda Namangan shahar Kengashi tomonidan aholi murojaatlarini manzilli hal etishga qaratilgan sayyor qabullar muntazam tashkil etilmoqda. Navbatdagi sayyor qabul “Sardoba” mahallasida o‘tkazildi. Unda Xalq deputatlari Namangan shahar Kengashi raisi, deputat Isakov Rustam Raxmanovich tomonidan fuqarolarning murojaatlari shaxsan qabul qilinib, ularning muammo va takliflari atroflicha o‘rganildi.

Murojaatlarni ko‘rib chiqish yakunlariga ko‘ra, ayrim masalalar joyida ijobiy hal etildi. Qolgan murojaatlar belgilangan tartibda ko‘rib chiqish, huquqiy baholash hamda amaliy yechim ishlab chiqish uchun tegishli mas’ul tashkilot va mutasaddilarga yo‘naltirildi.

Sayyor qabul davomida har bir murojaat yakuniy natijaga qaratilgan holda ko‘rib chiqilib, fuqarolarning ijtimoiy masalalarini tezkor va samarali hal etish bo‘yicha aniq vazifalar belgilandi.

Shuningdek, aholi muammolarini joyiga chiqib o‘rganish va ularni tizimli ravishda bartaraf etish ishlari izchil davom ettirilishi ta’kidlandi.