DEPUTAT TASHABBUSI VA O‘Z MABLAG‘LARI HISOBIDAN AMALIY ISHLAR OLIB BORILMOQDA

Xalq deputatlari Namangan shahar Kengashi deputati Toshmatova Xakimaxon tashabbusi bilan Ma’rifat mahalla fuqarolar yig‘ini hududidagi Qo‘qon ko‘chasidan o‘tuvchi yo‘lni kesib o‘tgan holda suv oqimini Dambog‘ mahalla fuqarolar yig‘ini hududidagi ariqqa yo‘naltirish bo‘yicha amaliy ishlar tashkil etildi.

Mazkur tashabbus doirasida deputat tomonidan o‘z mablag‘lari hisobidan ariqlarni tozalash ishlari yo‘lga qo‘yildi, zarur lotoklar hamda quvurlar xarid qilinib, o‘rnatish ishlari bosqichma-bosqich amalga oshirilmoqda.

Shu bilan birga, belgilangan tartibda barcha tegishli tashkilotlardan ruxsatnoma (order) olindi.

Hududda olib borilayotgan mazkur ishlar aholi uchun qulay sharoitlar yaratish, suv oqimini tartibga solish hamda infratuzilmani yaxshilashga qaratilgan.

Ishlar deputat hamda mahalla fuqarolar yig‘ini raisi mas’ulligida amalga oshirilib, jarayonlarga tegishli tashkilotlarning malakali mutaxassislari jalb etilishi belgilangan.