Namangan shahar 13-Marg‘ilon saylov okrugi hududida joylashgan “Marg‘ilon” mahalla fuqarolar yig‘inida barcha turdagi milliy va zamonaviy liboslar tikish hamda tikishni o‘rgatish markazi faoliyati bilan tanishildi.

Mazkur jarayonda Xalq deputatlari Namangan shahar Kengashi kotibiyat mudiri N. Ubaydullayev hamda kotibiyat bosh mutaxassislari A. Nurmatov va M. Abdulmajidovlar ishtirok etdilar.

Tanishuv davomida markazda yaratilgan sharoitlar, tikuvchilik faoliyatini tashkil etish, aholini, ayniqsa xotin-qizlarni kasb-hunarga o‘rgatish va bandligini ta’minlash borasida olib borilayotgan ishlar ko‘zdan kechirildi.

Shuningdek, faoliyat samaradorligini yanada oshirish, xizmat ko‘rsatish sifatini yaxshilash hamda yangi ish o‘rinlarini yaratish yuzasidan tegishli tavsiyalar berildi.