Fuqarolar murojaati asosida ichimlik suvi quvuridagi nosozlik bartaraf etildi

O‘zbekiston Ekologik partiyasi Taxiatosh tumani partiya kengashi hamda Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich tomonidan Taxiatosh MFY hududidagi 14-sonli maktabgacha ta’lim muassasasi yonida ichimlik suvi quvurining yorilgani yuzasidan kelib tushgan fuqarolar murojaati o‘rganildi.

🔎 Monitoring davomida quvurda nosozlik yuzaga kelgani aniqlanib, holat tegishli mas’ullarga yetkazildi.

🛠 Murojaat asosida ishchi guruh tomonidan zarur choralar ko‘rilib, ichimlik suvi quvuridagi nosozlik qisqa muddatda bartaraf etildi.

💧 Natijada suvning behuda oqib ketishining oldi olinib, aholi uchun muhim bo‘lgan ichimlik suvi ta’minotidagi muammo o‘z vaqtida hal etildi.

📌 Fuqarolar murojaati — muammoni aniqlash va uning amaliy yechimini topishda muhim vosita. Aholidan kelib tushayotgan murojaatlarni joyiga chiqqan holda o‘rganish va aniqlangan kamchiliklar bartaraf etilishi ustidan jamoatchilik nazoratini kuchaytirish ishlari davom ettiriladi.