#Davlat xizmatlari, FHDYO organlarida fuqarolarga xizmat ko‘rsatilishi holati o‘rganildi

📍 Xalq deputatlari O‘rta Chirchiq tuman Kengashi deputatlari Y.Musayev hamda Sh.Radjapov tomonidan tumandagi Davlat xizmatlari markazi va FHDYo organlari faoliyati, xususan, aholiga davlat xizmatlarini ko‘rsatish holati o‘rganildi.

🔹 O‘rganish davomida fuqarolarga xizmat ko‘rsatish uchun yaratilgan shart-sharoitlar, xizmatlarning sifati va qulayligi, murojaatlarni qabul qilish hamda ko‘rib chiqish jarayonlari atroflicha ko‘zdan kechirildi.
Shuningdek, navbatlarni tartibga solish tizimi, fuqarolarning murojaatlarini o‘z vaqtida ko‘rib chiqish, xizmat ko‘rsatish jarayonlarining shaffofligi, tezkorligi va qonunchilik talablariga muvofiqligiga alohida e’tibor qaratildi.

📖 Deputatlar tomonidan markazga murojaat qilgan fuqarolar bilan suhbatlashilib, ularning davlat xizmatlaridan foydalanish jarayonidagi fikr-mulohazalari va takliflari tinglandi. Aniqlangan masalalar yuzasidan mas’ullarga tegishli tavsiya va takliflar bildirildi.
Jumladan, tug‘ilganlikni qayd etish, nikohni rasmiylashtirish, dalolatnoma yozuvlariga o‘zgartirish va qo‘shimchalar kiritish, turli ma’lumotnomalarni olish hamda boshqa davlat xizmatlaridan foydalanish tartiblari bilan yaqindan tanishildi.

✅ O‘rganish yakunida aholiga davlat xizmatlarini ko‘rsatish sifatini yanada oshirish, fuqarolar uchun qulay va ochiq xizmat ko‘rsatish muhitini ta’minlash hamda murojaatlarni o‘z vaqtida va sifatli ko‘rib chiqish bo‘yicha tegishli tavsiyalar berildi.

✅Xalq deputatlari O‘rta Chirchiq tuman Kengashi kotibiyati axborot xizmati!