Maktabning kuz-qish mavsumiga tayyorgarligi o‘rganildi

Xalq deputatlari Termiz tuman Kengashi 1-Xalqobod saylov okrugi deputati N. Ro‘ziyeva tomonidan o‘zi saylangan Xalqobod MFY hududidagi 2-sonli umumta’lim maktabida kuz-qish mavsumiga tayyorgarlik jarayoni sessiya oldidan o‘rganildi.

O‘rganish “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida Kengash mutaxassisi A. Abdullayeva tomonidan amalga oshirildi.

Jarayon davomida maktabning kuz-qish mavsumini betalafot o‘tkazishga tayyorgarligi, issiqlik tizimi, bino va sinfxonalarning holati, shuningdek, o‘quvchilar uchun yaratilgan shart-sharoitlar ko‘zdan kechirildi.

Aniqlangan masalalar yuzasidan mas’ullarga tegishli tavsiyalar berilib, mavjud kamchiliklarni bartaraf etish hamda mavsumga puxta tayyorgarlik ko‘rish bo‘yicha vazifalar belgilandi.

O‘rganish natijalari tegishli tartibda umumlashtirilib, sessiya kun tartibidagi masalalarni ko‘rib chiqishda foydalaniladi.