Xalq deputatlari Pastdarg‘om tumani Kengashi deputati M.Kilichov tomonidan Tavsiyalarning 18-bandi ijrosini ta’minlash maqsadida Amir Temur mahallasida o‘rganish olib borildi.

O‘rganish davomida Hamid Olimjon ko‘chasi, 10-uyda joylashgan bankomatdan nogironligi bo‘lgan shaxslarning davlat tomonidan belgilangan imtiyozlardan to‘g‘ri va samarali foydalanish holati ko‘rib chiqildi.

Jumladan, bankomatdan foydalanishda nogironligi bo‘lgan fuqarolar uchun yaratilgan shart-sharoitlar, imtiyozlarning amalda qo‘llanilishi hamda xizmatlardan foydalanish jarayonidagi qulayliklar o‘rganildi.

Deputat tomonidan aniqlangan holatlar yuzasidan tegishli mas’ullarga fuqarolar uchun belgilangan imtiyoz va qulayliklarning to‘liq ta’minlanishi, mavjud kamchiliklarni bartaraf etish hamda deputatlik nazoratini davom ettirish bo‘yicha tegishli vazifalar belgilandi.