👤 Xalq deputatlari Shovot tumani Kengashi deputati Ismailov Xursand Baltabayevich tomonidan Shovot tumani "Inson" ijtimoiy xizmatlar markazi boshlig‘i R. Abduraxmonov nomiga deputatlik so‘rovi yuborildi.
📌 Deputatlik so‘rovi Xalq deputatlari Shovot tumani Kengashining 2026-yil 31-martdagi VII-23-38-12-177-K/26-son qarori ijrosi yuzasidan deputatlik nazoratini amalga oshirish maqsadida yo‘llandi. Mazkur qarorga muvofiq, ijtimoiy reyestrdagi I-guruh nogironligi bo‘lgan va mehnatga layoqatli a’zosi bo‘lmagan 5 ta oila xonadonini energiya tejamkor ta’mirlash ishlari uchun 309,0 million so‘m mablag‘ ajratilgan.
📋 Deputatlik so‘rovida quyidagi ma’lumotlar talab qilindi:
✅ "Inson" ijtimoiy xizmatlar markazi tomonidan 5 ta oilani tanlab olish bo‘yicha berilgan xulosa va tavsiyalar nusxalari;
✅ Har bir oila bo‘yicha o‘rganish dalolatnomalari hamda ehtiyoj darajasini aniqlash natijalari;
✅ Arbob, Maxtumquli, Monoq, Oqko‘l va Oltinqal’a mahallalaridagi 5 ta oila kesimida amalga oshirilgan ishlar to‘g‘risidagi ma’lumotlar;
✅ Har bir xonadonda bajarilgan energiya tejamkor ta’mirlash ishlari ro‘yxati;
✅ Har bir oila uchun amalda sarflangan mablag‘ va xarajatlar smetasi;
✅ Bajarilgan ishlarni qabul qilish dalolatnomalari hamda monitoring natijalari;
✅ "Inson" ijtimoiy xizmatlar markazi tomonidan loyiha ijrosi yuzasidan olib borilgan nazorat va o‘rganish ishlari haqidagi ma’lumotlar;
✅ Bajarilgan ishlarni tasdiqlovchi foto va boshqa tegishli hujjatlar.
⚖️ Qonunchilikka muvofiq, deputatlik so‘roviga 10 kun muddatda yozma javob taqdim etilishi lozim.