#Deputatlıq_úyreniw

Ózbekstan Respublikası Prezidentiniń 2025-jıl 27-dekabrdegi "2026-2028-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında"ǵı 393-sanlı qararına muwapıq, "Jayhun" máhállesi ushın 10 milliard 880 million sum qarjı ajıratıldı. Usı qarjılar esabınan jámi 26,6 kilometr ishimlik suwı tarmaqların tartıw hám 2 suw obektin qurıw rejelestirilgen. Búgingi kúnge shekem "Taza suw" JShJ tárepinen obekttiń joybarlaw-smeta hújjetleri tayarlandı. Qurılıs jumısların ámelge asırıw boyınsha "Ámiwdárya arnawlı qurılıs" hám "Baxit qurılıs" JShJleri jumıs alıp barmaqta.

Bul joybardıń ámelge asırılıwı menen aldın tasımalı suwdan paydalanǵan aymaqta 448 shańaraqta jasawshı 2,6 mıń puqara birinshi márte oraylasqan ishimlik suw menen támiynlenedi.

Usı jumıslardıń barısın úyreniw maqsetinde xalıq deputatları rayonlıq Keńes sekretariat baslıǵı T.Mamutov ham aymaqtan saylanǵan deputat L.Bekbergenovalar tárepinen deputatlıq qadaǵalaw jumısları alıp barıldı.

     Xalıq deputatları Qanlıkól rayonlıq Keńesi