O‘rganish jarayonida asosiy turdagi oziq-ovqat mahsulotlari narxlari monitoring qilinib, ularning barqarorligi, narxlarning asossiz oshirilish holatlari, savdo qoidalariga rioya etilishi hamda mahsulotlar sifati alohida e’tiborga olindi. Shuningdek, sotuvchilar bilan suhbatlar o‘tkazilib, aholiga qulay sharoit yaratish, narx-navo barqarorligini ta’minlash va sun’iy narx oshishiga yo‘l qo‘ymaslik yuzasidan tushuntirishlar berildi.

Aniqlangan ayrim kamchiliklar bo‘yicha Boyovut tumani "Dehqon bozori" MCHJ mas'ullariga tegishli tavsiyalar berilib, ularni bartaraf etish choralarini ko‘rish yuzasidan aniq vazifalar yuklatildi.

Mazkur o‘rganishlar aholining ijtimoiy himoyasini kuchaytirish, bozorlar va savdo shoxobchalarida narxlar asossiz oshishining oldini olish hamda iste’molchilar manfaatlarini himoya qilishga xizmat qiladi.