Qaraózek rayonı hákimi A.Baymuratovtıń Xalıq deputatları rayonlıq Keńesi deputatları menen ushırasıwı bolıp ótti. 

Ushırasıwda rayon hákimi A.Baymuratov tárepinen  rayondı social-ekonomikalıq rawajlandırıw baǵdarında 2026-jılda ámelge asırılatuǵn jumıslar haqqında keń túrde maǵlıwmat berdi. Bunnan soń deputatlar tárepinen saylawshılar menen ushırasıwlarda kelip túsken usınıs, múrájat hám mashqalalar hár tárepleme dodalandı. 

Sonday-aq, rayon aymaǵında sociallıq-ekonomikalıq rawajlanıwdı jedellestiriw, xalıqtıń turmıs dárejesin arttırıw hám áhmiyetli máselelerge sheshim tabıw máselelerine ayrıqsha itibar qaratıldı. Bildirilgen mashqalalar boyınsha juwapker mákemelerge anıq tapsırmalar berilip, orınlanıwı qatań qadaǵalawǵa alınıwı belgilendi. 

Aldaǵı ámelge asırıw tiyis tiykarǵı wazıypalar belgilenip orınlanıwı boyınsha is-ilájlar islep shıǵıw belgilenip alındı.