2026 yil 24 yanvar kuni Xo‘jayli tumani hokimligining majlislar zalida Xalq deputatlari tuman Kengashining o‘n sakkizinchi sessiyasi bo‘lib o‘tdi. Sessiyani Xalq deputatlari Xo‘jayli tumani Kengashi raisi I.Qo‘chqorov olib bordi. Dastlab sessiyada O‘zbekiston va Qoraqalpog‘iston Respublikalarining Davlat madhiyalari yangradi. Shundan so‘ng, kun tartibiga qo‘yilgan 11 ta masala ko‘rib chiqilib, ma’ruzachilarning hisobotlari tinglandi. Xususan, tuman hududini yanada rivojlantirish va aholi bandligini ta’minlash bo‘yicha ishlab chiqilgan "drayver" loyihalardan samarali foydalanish bo‘yicha chora-tadbirlar dasturi, shuningdek, nogironligi bo‘lgan shaxslarga qulayliklar yaratish maqsadida "Ijtimoiy ko‘cha" tashkil etish to‘g‘risida aytib o‘tildi. Kun tartibidagi masalalar yuzasidan deputatlar o‘z fikr va takliflarini bildirdi. Sessiya yakuni bo‘yicha deputatlarimiz ma’qullashi bilan tegishli qarorlar qabul qilindi.