Elektr ta’minoti muammosi – deputatlar
e’tiborida 

Aholi
turmush sifati ko‘p jihatdan infratuzilma imkoniyatlariga bog‘liq. Xususan, barqaror
elektr ta’minoti – kundalik hayotdagi asosiy ehtiyoj hisoblanadi. 

Damko‘l
mahallasi Lolaxon ko‘chasida joylashgan 160 kilovattli TP-15 transformatorga
245 ta xonadon ulangani aniqlandi. Ortiqcha kuchlanish sababli fuqarolarning elektr
jihozlari ishdan chiqmoqda, xonadonlarda yoritilish darajasi ham yetarli
emas. Shu kabi muammo Gulandon ko‘chasida ham kuzatildi. 

Xalq
deputatlari Farg‘ona tuman Kengashi deputatlari Shuxratjon Raximov va Ozodaxon
Dadajonovalar mazkur holatni manzilli o‘rganib, mas’ullarga “Deputatlik so‘rovi” yo‘lladilar. Unda transformator
quvvatini oshirish va aholi manfaatini ta’minlash masalasi ko‘tarildi. 

Elektr ta’minoti muammosining hal etilishi
nafaqat maishiy qulaylik, balki aholi turmush sifati va farovonligi uchun muhim
omildir.