“Iqtidor” MFYda ijtimoiy masalalar yuzasidan suhbat o‘tkazildi

Xalq deputatlari Mirzo Ulug‘bek tumani Kengashi deputati, O‘zXDP a’zosi Gulchexra Axmedova “Iqtidor” mahalla fuqarolar yig‘ini raisi bilan hududdagi dolzarb ijtimoiy masalalar yuzasidan suhbatlashdi.

Suhbat davomida aholini qiynayotgan muammolarni aniqlash, ijtimoiy himoyaga muhtoj oilalarni qo‘llab-quvvatlash, fuqarolar murojaatlarini o‘rganish hamda mavjud muammolarni o‘z vaqtida hal etish masalalari muhokama qilindi.

Shuningdek, mahallada ijtimoiy muhitni yaxshilash, aholi bilan tizimli ishlash va fuqarolarning turmush sharoitini yanada yaxshilash borasida amalga oshirilishi lozim bo‘lgan vazifalarga e’tibor qaratildi.

Uchrashuv yakunida ijtimoiy masalalarni hal etishda hamkorlikni kuchaytirish va aholi manfaatlarini ta’minlash bo‘yicha kelgusidagi ish yo‘nalishlari belgilab olindi.