ЕТТИЛИК ВАКИЛЛАРИ БИЛАН СУҲБАТ ЎТКАЗИЛДИ
Халқ депутатлари Янгиқўрғон тумани Кенгашининг 1-Кўкёр сайлов округи депутати Ҳайитов Абдурасул Режабоевич томонидан сайлов округида жойлашган маҳаллада бўлиб, маҳалла еттилиги аъзолари билан учрашув ва суҳбат ўтказилди.
Суҳбат давомида маҳаллада амалга оширилаётган ишлар, аҳолини қийнаётган муаммолар, ижтимоий ҳимояга муҳтож оилалар ҳолати, ёшлар бандлиги, хотин-қизлар билан ишлаш, ҳуқуқбузарликларнинг олдини олиш ҳамда ободонлаштириш ишларининг бориши муҳокама қилинди.
Шунингдек, маҳалла еттилиги томонидан олиб борилаётган фаолият таҳлил қилиниб, аҳоли мурожаатларини ўз вақтида ҳал этиш, манзилли ишлаш ва мавжуд муаммоларни бартараф этиш бўйича тегишли тавсиялар берилди.
Депутат томонидан маҳалладаги муаммоларни ҳал этиш юзасидан амалий чора-тадбирларни кучайтириш ҳамда мутасадди ташкилотлар билан ҳамкорликни янада мустаҳкамлаш зарурлиги таъкидланди.