Xalıq deputatları Bozataw rayonlıq Keńesi 9-“Dawıt kól” saylaw okruginen (ÓzLiDeP) deputat G.Bekbosınova tárepinen xalıqtı sapalı hám qáwipsiz azıq-awqat ónimleri menen támiyinlew, bazarlarda bahanıń turaqlılıǵın saqlaw máselelerine turaqlı itibar qaratıw maqsetinde jámiyetlik qadaǵalaw ilajın ótkerdi.

Sonıń ishinde, deputat qatnasıwında “Erkindárya” aymaǵındaǵı “Aqeden” awılındaǵı jekke isbilermenlerdiń, sawda jumısınıń shólkemlestiriliwi, xalıqtı zárúr tutınıw ónimleri menen támiyinlew jaǵdayı hám sapasız ónim islep shıǵarıw jaǵdayları hám ayırım isbilermenler tárepinen bahanı jasalma túrde kóteriwge háreketler boyınsha aymaǵındaǵı azıq-awqat dúkanların úyreniw hám túsindiriw jumısları alıp barıldı.

Úyreniwler procesinde satıwdaǵı azıq-awqat ónimleriniń saqlanıw sharayatı, sanitariyalıq talaplarǵa ámel etiliwi, ónimlerdiń sapası hám bahalarınıń qáliplesiwine ayrıqsha itibar qaratıldı.